ಅಂಕ

ಕೋಳಿ, ಟಗರು, ಗೂಳಿ ಮೊದಲಾದವುಗಳ ನಡುವೆ ಸ್ಪರ್ಧೆಗಾಗಿ ನಡೆಸುವ ಕಾಳಗ

ಬೇಸಾಯದ ಕೆಲಸ ಇಲ್ಲದ ದಿನಗಳಲ್ಲಿ ಶಿಕಾರಿ, ಕೋಳಿಅಂಕ ಇತ್ಯಾದಿಗಳು ಗಲಾಟೆ ಇರ್ತಾ ಇತ್ತು

ಅಂಕ

ಯುದ್ಧ

ಅಂಕದ ವೀರನಲ್ಲ ಸುಂಕದ ದಾಸನಲ್ಲ (ಗಾದೆ)

ಅಂಕ

ಹೆಸರುವಾಸಿ; ಪ್ರಸಿದ್ಧಿ

ಅಂಕದ ಆಲದಮರ ಬಿಂಕದ ಗೋಣಿ ಮರ

ಅಂಕಣ/ಅಂಕಳ/ಅಂಕ್ಲ

ಮನೆಯ ಎರಡು ಕಂಬ ಅಥವಾ ತೊಲೆಗಳ ನಡುವಿನ ಸ್ಥಳಾವಕಾಶ(ದಕ)

ಅಂಕಣ/ಅಂಕಳ/ಅಂಕ್ಲ

ತೇರನ್ನು ನಿರ್ಮಿಸುವಾಗ ಮಾಡಿಕೊಳ್ಳುವ ವಿಭಾಗ

ಒಂದನೆ ಅಂಕಣ, ಎರಡನೇ ಅಂಕಣ (ಬಳ್ಳಾಜಿ)

ಅಂಕಣ/ಅಂಕಳ/ಅಂಕ್ಲ

ಎಂಟರಿಂದ ಹತ್ತು ಅಡಿ ಉದ್ದಗಲದ ಜಾಗ

ಒಂದೇ ಅಂಕ್ಲಗ್ಲ ಒಂದೇ ಉದ್ದ ಇರೋವಂತಾ, ಒಂದೊಂದಕ್ಕೂ ಒಂದೊಂದ್ಗಾಕ್ಲು ಇರಂಗೆ ಒಂದ್ಮನೆ ಬೇಕು

ಅಂಕಣ/ಅಂಕಳ/ಅಂಕ್ಲ

ಮನೆಯ ಮುಂಬಾಗಿಲಿನ ಸ್ಥಳ, ಮೈದಾನ ಮೊದಲಾದವು

ಹೊರಗಿನ ಅಂಕಣದಲ್ಲಿ ದನಕರು ಕಟ್ತಾ ಇದ್ದರು

ಅಂಕದ ಕಳ

ಕೋಳಿಗಳ ಕಾದಾಟದ ಸ್ಪರ್ಧೆಗಾಗಿ ನಿಗದಿತವಾದ ಜಾಗ (ದಕ.ಜಿ)

ಅಂಕದ ಬಯಲು

ನೋಡಿ – ಅಂಕದ ಕಳ

ಅಂಕದೊಂಕ

(ನಾ)

ಅಂಕುಡೊಂಕು ; ವಕ್ರ

ಅಂಕದೊಂಕ

(ಗು)

ನೇರವಿಲ್ಲದ ; ನೆಟ್ಟಗಿಲ್ಲದ

ಅಂಕದೋರು

ಹೆಸರುವಾಸಿಯಾದವರು (ಹಾಸ. ಜಿ)

ಅಂಕಪರದೆ

ಆಟ ಪ್ರಾರಂಭವಾಗುವುದಕ್ಕಿಂದ ಮೊದಲು, ನಾಟಾಕದ ಅಂಕ ಮುಗಿದಾಗ, ಅಟ್ಟದ ಅಂಕಣವನ್ನು ಮರೆ ಮಾಡುವ ದೊಡ್ಡ ತೆರೆ; -ಮುಸುಕು ಬಟ್ಟೆ

ಅಂಕಪರದೆ ಬೀಳು

ಅಂತ್ಯಗೊಳ್ಳು; ಮುಕ್ತಾಯವಾಗು

ಅಂಕಬಿಂಕ ಹೊಡೆ

(ಕ್ರಿ)

ಬೆಡಗಿನ ಮಾತಾಡು; ಜಂಬದ ಮಾತಾಡು (ಶಿವ.ಜಿ)

ಅಂಕರ್ಕಾದ್ಗೆ

ಕಿರಿದಾದ ಕಾಲುವೆ; ಮಳೆಗಾಲದಲ್ಲಿ ಅಡಿಕೆ ಸಸಿ ಕುಣಿಯಲ್ಲಿ ನಿಂತ ನೀರು ಹರಿದು ಹೋಗಲೆಂದು ಸಸಿ ಕುಣಿಯಿಂದ ಕಾದ್ಗೆಗೆ ಮಾಡಿದ ಕಿರಿದಾದ ಕಾಲುವೆ (ಉಕ.ಜಿ)

ಅಂಕರ್ಕಾದ್ಗೆ

ಬಸಿಗಾಲುವೆ (ಮೈಸೂ.ಜಿ) ನೋಡಿ- ಕಾದ್ಗೆ

ಅಂಕರ್‍ಕಿ: ಅಂಕರಿಕೆ

ಬಾವಿಯೊಳಗೆ ಇಳಿಯಲು ಅನುಕೂಲ ವಾಗುವಂತೆ ನಿರ್ದಿಷ್ಟ ಅಂತರದಲ್ಲಿರುವ ಮೆಟ್ಟಿಲುಗಳು

ಅಂಕರ್‍ಕಿ: ಅಂಕರಿಕೆ

ಉರುಟು ಬಾವಿಯ ವೃತ್ತಾಕಾರದ ಮೆಟ್ಟಿಲು ಅಥವಾ ಅಂಕಣ (ದಕ.ಜಿ)

ಅಂಕಲು

ರಾಗಿ, ಜೋಳದ ಬೆಳೆಯನ್ನು ತೆನೆಸಹಿತ ಕೊಯ್ದು ಒಯ್ದ ನಂತರ ಹೊಲದಲ್ಲಿ ಅಲ್ಲಲ್ಲಿ ಉದುರಿ ಬಿದ್ದಿರುವ ತೆನೆಗಳು

ಅಂಕಲು ಆರಿಸೋಕ್ಕೆ ಹೊಲಕ್ಕೆ ಹೋಗಿದಾರೆ